The Mstdfr Show

Mstdfr (Arabic: مستدفر) is a Middle Eastern geeky podcast spoken in "Arablish". Every week, Ammar and Rami host different regional guests to talk about various topics including: current affairs, culture, technology, media, challenges facing the new Arab generation, and everything in between.

Hosted by المسثضيف Ammar Sabban
Page 1 of 2012345...1020...Last »
25/2/2020

ضيفة الحلقة: رنيم المهندس نقابل في حياتنا كل يوم ناس كثير، لكن قليل اللي نقابلهم يكونوا عايشين في عالمهم الخاص! وهذا يتطلب من الشخص انه يكون مبدع… ذكي… شغيل… وانسان واثق من نفسه. وكل هذه الصفات أجتمعت في ضيفتنا اليوم وبالتالي كان لازم نقعد وندردش معها. رنيم المهندس فنانة بكل ما تعنيه الكلمة، وروحها تخليك تبغى تقوم تشتغل وتنجز شيء! رنيم عندها القدرة بمشيئة الله انها تسوي أي شيء يخطر ببالها، وفي بالها ما شاء الله أشياء كثير! وهذا الشيء أنعكس على حوارنا… فاتكلمنا على إيش اللي يميز البودكاست مقارنة بالراديو، وتطرقنا لمواضيع ثانية زي… جريمة فنية مع رنيم البطارية

18/2/2020

ضيوف الحلقة: مي حكيم و رزان عرقسوس و عبدالخالق بن رافعة فقد إنسان عزيز على قلوبنا له تأثير كبير على حالتنا النفسية، فما بالكم لما يكون الإنسان هذا أعز الأشخاص إليك؟ مثل أحد الوالدين أو أحد الأشقاء أو حتى شريك العمر! الفقد في هذه الحالات له بعد دنيوي آخر غير البعد النفسي إللي بيأثر على حياتنا بشكل أكبر، وفي بعض الحالات بيكسر شيء مرة صعب نصلحه. واللي يزيد من صعوبة التعامل مع الفقد اننا كمجتمع نادراً ما نتكلم عليه، كلنا مؤمنين بقضاء الله وقدره لكن من المهم في نفس الوقت اننا نراعي هول الموقف على… هل هناك حياة بعد الفراق؟

11/2/2020

ضيوف الحلقة: عبدالله بكر و عبدالعزيز بكر مستمعي مستدفر… هل انتم جاهزين؟ لأنه إحنا اليوم صرنا دايماً جاهيييزين مع ضيوفنا من عالم اليوتيوب ”سعودي ريبورترز“ واللي لأول مرة يدخلوا عالم البودكاست! أستضافونا في الإستديو الخاص بهم المليئ بالمرح والطاقة. جلسنا ودردشنا عن مواضيع كثيرة بدأت بالوسوسة من الجراثيم وبعدها دخلنا على أهمية دراسة الجامعة والموازنة بينها وبين العمل في اليوتيوب. وتطرقنا للتصميم المعماري ومقومات صناعة المحتوى المميز. وحكونا عبدالله وعبدالعزيز على تأسيس سعودي ريبورترز وبعض قصص التأثير الإيجابي لصناعة المحتوى اللي عدت عليهم خلال السنوات وكمان بعض التجارب الفاشلة اللي حصلت لهم. وما شاء الله… يجي الريبورتر دايماً جاهيييز

5/2/2020

ضيفة الحلقة: شروق العطار كثير مننا يدخلوا تخصصات في الجامعة كنا نحسب انها حتعجبنا وحنحب المجال بعدها، لكن أحياناً الواقع يكون مختلف تماماً زي ما قالت لنا ضيفتنا اليوم الفنانة الرائعة شروق. فأتكلمنا عن دراسة الجامعة والتخصصات المختلفة وبالأخص دراسة الآنيميشن، وشرحت لنا كمان طريقتها الجديدة في التعبير عن المشاعر وعمار حكانا عن التواصل بين الأحبة قبل الإنترنت والجوالات. وأتكلمنا كمان على كتابة المذكرات و طرق استخدام الجوال و رامي شرح لنا عن فروقات التكنلوجيا بين الماضي والحاضر وصناعة البودكاست وأخيراً بيئة شبكات التواصل الإجتماعية. ممكن تتواصلوا مع شروق على حساباتها في شبكات التواصل الإجتماعي:… أشرقت شروق علينا من الشرق

29/1/2020

ضيوف الحلقة: أبرار القيم و محمد الفرج لسنوات اعتاد مجلس الفن السعودي إطلاق فعاليات مبادرة ٢١’٣٩ واللي معاها تتوالى الفعاليات الفنية في كل أنحاء المملكة، وخلال هذا الأسبوع حتنطلق النسخة الجديدة من المبادرة وحيكون فريق مستدفر مشارك في الإفتتاح مع معرض أثر الفني في جدة. وبهذه المناسبة قررنا اننا نجلس اليوم مع أحد منظمين الفعالية أبرار القيم، وشاركنا الحديث كمان أحد الفنانين المشاركين في المعرض محمد الفرج. وأتكلمنا عن الفن وحياة الفنانين، وتطرقنا للغة العربية واختلاف اللهجات، وكمان أتكلمنا عن الهوية وكيف نحدد هويتنا الشخصية. ناقشنا أمور أخرى كثيرة لكن قبل ما نختم حابيين نقولكم… حياة صامتة وحلم بلاستيك

21/1/2020

ضيف الحلقة: فراس الدهلوي رامي قبل فترة حس انه جوجل صارت جزء كبير من حياته وبالتالي الجزء الأكبر من معلوماته الشخصية صار متعلق بجهة واحدة… فقرر إنه يغير الشيء هذا ويبدأ بإلغاء حساباته من الشركة واستخدام مشغلين آخرين. ولمن صديق البرنامج وأحد أوائل مستمعينا فراس الدهلوي سمع الكلام هذا أستغرب وقرر إنه يزورنا في الأستديو ويفهم من رامي سبب قراره هذا، وبالذات لأنه فراس يعمل كمبرمج في شركة جوجل في مدينة سياتل بالولايات المتحدة الأمريكية. وحلقة اليوم هي الحوار اللي دار بيننا عن الموضوع، ومن ضمن المواضيع اللي أتكلمنا عليها كانت الأمن الإلكتروني وكيف شركات… ليش يا رامي لغيت جوجل؟

15/1/2020

ضيفة الحلقة: عهد العمودي الفن له أوجه كثيرة، ومع تقدم التكنلوجيا وزيادة توفر سبل التعبير صرنا نشوف كل يوم أنواع فن جديدة تبهرنا بإبداع الفنانين والفنانات اللي بيخترعوها، واليوم جلسنا مع أحد الفنانات اللي حيوتها وروحها المرحة كان لها أثر فينا بالضبط زي فنها على المجتمع. عهد العمودي فنانة من جدة وهي واحدة من مجموعة صاعدة من الفنانين السعوديين اللي يبثوا الأفكار والقيم المتأصلة في المجتمع السعودي للعالم بأكمله من خلال أعمالهم. بدأت رحلة عهد مع الفن في طفولتها، واللي أمضتها محفوفة بالفن بفضل والدتها الفنانة و مدرسة التربية الفنية. ولأن والدتها كانت تصنع الأعمال… الحرارة تلسع وحتكويك بأثر

9/1/2020

ضيوف الحلقة: نور الصبان و نضار الصبان و أهلة بن حمد مقدمة الحلقة: بدور الصبان طبعاً لا يمكن نتكلم عن حياة الغربة وصعوبتها بالذات في أول أيامها مع الأزواج فقط! لازم نسمع القصة من الطرف الآخر والأهم… الزوجات! وعشان كدة اليوم قعدنا مع زوجات مبتعثينا من الحلقة اللي فاتت، المبتعثات نور الصبان (زوجة أحمد الجفري) ونضار الصبان (زوجة حاتم لنجاوي) و أهلة بن حمد (زوجة عبدالرحمن الصبان). وطالما الحلقة الماضية كانت كلها رجال قررنا نخلي هذه الحلقة كلها نساء، فطردنا عمار وطلبنا من زوجته بدور الصبان انها تقدم الحلقة بداله. المبتعثات اليوم أتكلموا عن الإنتقال… حياة زوجية في البلاد الغربية 2

30/12/2019

ضيوف الحلقة: أحمد الجفري و حاتم لنجاوي و عبدالرحمن الصبان حياة الغربة صعبة وبالذات في أول أيامها… الإنتقال لبلاد غريبة بعادات جديدة ولغه مختلفة يعتبر تحدي لأي شخص. ومع أن خوض هذه التجربة ممكن يكون أسهل بوجود شريك، الحياة الزوجية في الغربة لها مميزات لكن تحدياتها أكبر… وتزيد هذه التحديات بوجود أطفال. وبمناسبة وجود عمار هذا الأسبوع مع مجموعة من المبتعثين قررنا نناقش بعض المصاعب والدروس المستفادة من حياة الغربة. وطبعاً ما ينفع نناقش الموضوع من وجهة نظر واحدة فقررنا نسجل حلقتين! واحدة نناقش فيها الغربة من وجهة نظر الأزواج والثانية نناقش فيها الغربة من… 1 حياة زوجية في البلاد الغربية

Page 1 of 2012345...1020...Last »